JAX-Swaroopyog

[२४७]
सांगशील तैसा वर्तेन अनंता |
जाणतसें सत्ता एक तुझी ||१||
आपुलें व्यक्तित्व वाहिले चरणी |
घ्यावें सांभाळोनी आतां मज ||२||
तुझ्या चि नामाचा घेउनी आधार |
पाववीन पार जड जीवां ||३||
स्वामी म्हणे मज तुझें कृपा-बळ |
म्हणोनि हा खेळ खेळतसें ||४||


[२४८]
श्वासोच्छवासीं देख राम-नाम-जप |
होतो आपेंआप अखंडित ||१||
तेथे रात्रं-दिन ठेवीं अनुसंधान |
सांडूनी मीपण सोsहं -भावे ||२||
राम-नामी चित्त रंगतां स्वानंदें |
सुखें हाता चढे तत्व-बोध ||३||
होतां तत्व-बोध लाभे परा शांति |
जीवासी विश्रांति स्वामी म्हणे ||४||