JAX-Swaroopyog

[२३७]
नको नको मना गुंतूं संसारात |
स्व-हिताचा घात होय जेणें ||१||
होई सावधान चिंतीं नारायण |
तेणें चि कल्याण पावसी तूं ||२||
हरि-पदांबुजीं घालोनिया रुंजी |
चैतन्याच्या कुंजीं वास करी ||3||
स्वामी म्हणे होसी चैतन्याचें रूप |
तरी आपेआप समाधान ||४||

[२३७]
आदरी संसार करीं व्यवहार |
परी सारासार विचारीं गा ||१||
विचारीं गा सुख आपुले पराचें |
ध्येय मानव्याचे लक्षोनियां ||२||
लक्षोनिया धर्म भोगीं-अर्थ-काम |
सुखे मोक्ष-धाम पावावया ||३||
पावावया शांति यावया विरक्ती |
असो पुष्टी तुष्टी स्वामी म्हणे ||४||