JAX-Swaroopyog

[२३९]
द्यावे तैसे घ्यावे केलें तें भोगावें |
ऐसे हे स्वभावें ओघा येतें ||१||
कां गा वृथा द्यावा आणिकातें बोल |
अंतर्यामी खोल विचारावे ||२||
आपुले आपण होऊनियां वैरी |
कष्टतां संसारीं सुख कैचें ||३||
स्वामी म्हणे करा ढोपारशीं न्याय |
उगा चि कां धाय मोकलितां ||४||

[२४०]
कां रे प्राण्या जासी गुंतुनी संसारी |
सुखाशेच्या भरीं भरोनियां ||१||
घरों जातां सुख धांवे पुढां पुढां |
व्यर्थ तूं बापुडा श्रमी होसी ||२||
प्राशितां मृग-जळ काय तृषा भागे |
कैसा माया-संगें भुललासी ||३||
स्वामी म्हणे वेगें होई एकचित्त |
कांहीं आत्म-हित विचारीं गा ||४||