JAX-Swaroopyog

[७६]

आणिकांते वाटे संसाराचें भय |

आम्हांसी तो होय सुख-रूप ||१||

संतत अंतरी राहे श्रीगोपाळ |

बापुडा तो काळ आम्हांपुढे ||२||

सेवेसाठी सुखे साहूं गर्भवास |

होऊ हरि-दास जन्मोजन्मी ||३||

स्वामी म्हणे भावें करूं संकीर्तन |

सवें थोर-सान घेवोनियां ||४||



[७७]

प्रपंची विचार करीं सारासार |

राहें निरंतर सावधान ||१||

स्वभावतां पावे जे जे सुख-दु:ख |

त्याचा हर्ष शोक मानू नको ||२||

प्रसंगी असावें अंगी धैर्य-बळ |

लोभें उतावीळ होऊं नको ||३||

स्वधर्मानुसार वर्तोनी साचार |

होई भव-पार स्वामी म्हणे ||४||