JAX-Swaroopyog

[१५३]
सखा माझा नारायण |
करी चिंता निवारण ||१||
मज सांवरितां हरि |
आलीं विघ्नें दूर करी ||२||
दोष जाळूनी समस्त |
शुद्ध करी माझें चित्त ||३||
तो ची लक्षी माझें हित |
स्वामी म्हणे मी निश्चिंत ||४||

[१५४]
भासे मृगजळ तैसें चि केवळ |
विश्व हे सकळ भ्रांतिरूप ||१||
रज्जूवरी व्हावा सर्पाचा आभास |
तैसा विश्वाभास आत्मरूपीं ||२||
वांझेची संतति तैसी भूतसृष्टी |
व्हावी जैसी वृष्टी खपुष्पांची ||३||
स्वामी म्हणे वश्व नश्वर मायिक |
अविनाशी एक आत्म-रूप ||४||