JAX-Swaroopyog

[ २८ ]
जन्मासंगे मृत्युसंगें जन्म |
चक्रनेमिक्रम ऐसा चाले ||१||
दिनमागें रात्र रात्रीपाठीं दिन |
घटिकायंत्र जाण निसर्गाचें ||२||
सुखापाठीं दु:ख दु:खापाठीं सुख |
रहाटी ही देख जगताची ||३||
स्वामी म्हणे स्थिर हरि-पद एक |
तेथें ची नि:शंक राहें सदा ||४||
[ २९ ]
आतां हा ची एक आम्हां व्यवसाय |
घ्यावे हरिपाय अंतर्यामी ||१||
संतत सन्मुख असावें श्रीमुख |
नित्य नवें सुख दर्शनाचें ||२||
सेवावें आकंठ हरिनामामृत |
भावें व्हावें रत संकीर्तनीं ||३||
प्रेमें हरिसवें बोलावें डोलावें |
अखंड भेटावें स्वामी म्हणे ||४||